Aaj South Island jaana tha to Wellington se Picton ke liye hamne ferry book kar rakhi thi. Ferry ka time 8:15am tha aur reporting time 7:30am. Hostel ferry terminal se paas hi tha to walk karke waha time se pahoch gaye. Waha jaake pata chala ki ferry is delayed by around 5 to 6 hours. Luckily, hamara saamaan check-in ho gaya tha to use leke nahi ghumna tha. Breakfast ka time ho rakha tha to waha se nikale kuch khane ke liye. Ek to saala Wellington itna windy hai ki pucho mat. Lagta tha kahi log hi na udne lage. Anyways, paas me hi ek cafe mil gaya to waha chale gaye. Sandwich khaya aur flat white coffee pi. Yaha pe na chai achchi hai aur na hi coffee. Log pite kaise hai ye sab. Iske baad bhi 4-5 ghante aur bitane the waha pe.

To Cable car ki ticket li aur Wellington city se upar view point par chale gaye. Kyunki Cable car wahi se up-down karti hai. Ab to Wellington har unchai se dekh liya tha. Wahi pe ghumte ghumte ek pond ke paas chale gaye. Us pond me ducks the kaafi saare to baithke unhe observe karne lage aadhe ghante tak. Yaha pe log kaafi achche hai par ye ducks kaafi racist nikle. Sirf apne color wale ducks ke saath ghum rahe the. Khair, mujhe kya. Waha se nikle to botanical garden pahoch gaye. Kuch phool patte dekhe aur phir cemetery ke raaste wapis harbour chale gaye. Harbour pe walk kiya kuch der aur phir lunch ke liye McDonalds chale gaye.

Around 1pm wapis ferry terminal pahoch gaye. 1:45 pm pe boarding shuru ho gayi aur nikalte nikalte 3 baj gaye the. Kareeb 3.5 hours ki journey thi. Viewing deck pe jaake nazaro ka faayda uthaya. Towards the end ek dolphin bhi dikha tha. Aur is baar sunset ferry ke viewing deck se dekha. Yaha pe bhi pahado ke piche hi tha sun. Finally 6:30pm tak ham Picton pahoch gaye.

Waha se jo car hame 12pm pe pick karni thi, wo finally jaake hamne 6:45pm pe pick ki. Is baar Camry hybrid mili thi. Gaadi bahot achchi thi. Waha se hame Riwaka jaana tha jaha pe hamara stay tha jo ki 190 kms dur tha. Nikle waha se. Lunch ke baad kuch khaya nahi tha to bhook bhi lagi thi. To khaane ki jagah dhundne lage. Kaafi stops liye beech me cafe/restaurants ke paas. Par sab band. Yaha sab jaldi band ho jaata hai. 4-5 jagah check karne ke baad hame laga tha ki aaj bhooka hi rehna padega. Phir dimaag ki thodi si batti jali aur socha ki petrol pump dhundte hai. Shayad waha koi convenience store mil jaaye. Assumption tha, par to our luck, BP connect petrol station mil gaya raaste me aur uske saath me convenience store bhi tha, jo ki open bhi tha. Convenience store hona badi baat nahi thi, uska us waqt open hona badi baat thi. Waha pe dekha to khane ke kaafi options the. Hamne sandwiches aur hot chocolates order kar liye. Best hot chocolate tha wo. Uske baad se to hame hot chocolate ka chaska lag gaya. Uske baad se NZ me chai aur coffee to bhool hi gaye ham, bas hot chocolate. Pet puja karke aur kuch extra khana leke ham wapis Riwaka ke liye nikal pade. 10:30pm tak ham Riwaka pachoch gaye. Waha ka stay hamne Airbnb pe book kiya tha. Kya spooky jagah thi wo aur wo bhi ekdum secluded jagah me. Ek banda nahi dikha waha. Hamari host Caroline ne instructions messages ke through diye the. Aur bahot restrictions the. Ye mat karo, wo mar karo. Ham to thake hue the already, to freshen up hoke, so gaye.