Reached Sydney Airport and we had Australian transit visa. Free tha aur 72 hours ke liye valid tha. Layover bhi around 7 hours ka tha to socha, thoda aas paas ghum hi lete hai. Airport se nikalte hi dekha to bahar halki halki baarish ho rahi thi. Aur samajh me nahi aa raha tha bahar jaaye kaise. Puchne pe pata chala ki free shuttle bus available hai airport se city center ke liye. Baad me pata chala, ke usi din se airport ki metro services halt kar diye gaye the kuch renovation ke liye. Aur commuters ka inconvenience kam karne ke liye free bus shuttle shuru kar di thi. Ab city center to pahoch gaye aur jaana tha Opera House dekhne. Airport pe to Wifi tha, but waha se nikalne par, na internet aur na hi phone network tha. To hamne prachin tarika apnaya aur logo se directions puchne lage. Thoda sa dur tha. Walk kar sakte the but time jyada tha nahi hamare paas.

Phir hamne paas me hi tram dekha aur decide kiya ki ham isise jayenge. Logo ko dekh ke figure out kiya ki pay kaise karna hai. Tram me baithkar ham Opera House ke paas pahoch gaye. Pay karne ke liye hamne apne cards to tap kiye the par us waqt pata nahi chala tha ki paise deduct hue the ki nahi. Opera House dekhne ke liye nikal gaye. Halki halki baarish ho rahi thi aur usime hamne thoda bahot bhigte hue Opera House tak walk kiya. Opera House ko sirf bahar se dekha. Kuch der waha spend karke aur kuch photos khichke ham wapsi ki liye nikal gaye.

Wapis airport pachochna tha kyunki Sydney ghumna agenda me nahi tha, New Zealand tha. Reached back to the point jaha pe airport wali free shuttle bus ne drop kiya tha. Par waha pahochne pe pata chala ki airport wapis jaane ke liye bus waha se nahi thi. Again, no google maps, no phone aur kyun ki airport ki shuttle bus ki service usi din shuru hui thi, to logo ko bhi kuch jyada pata nahi tha. Kareeb aadha ghanta ghumne ke baad jab ham finally airport bus ke paas pahoche to hame realise hua ki ham wahi paas me the. Koi na, bus me baithe aur airport ke liye nikal gaye. Flight departure time se 2 ghante pehle ham airport pahoch gaye. Bas kuch hi ghante the ham Syndey me par bahot maza aaya. Mausam sahi ho rakha tha ghumne ke liye aur log bhi kaafi sweet aur helpful the.

Bhook lag rahi thi to airport pe kuch kha liya. Kuch der me flight board kiya aur kareeb 3 ghante baad Auckland pahoch gaye. Kya sunsan airport tha. Phone ke liye SIM liya, ek van me baithe aur dost ke ghar chale gaye. Aaj ka din Auckland me jaake khatm hua.